حمد الله علي سلامة الشرطة
في بلدنا الجميلة- طبعاً-....و المنظمة-بلا شك-....وحط تحت منظمة 5000 خط...
عمرك ماهتلاقي شوارع زحمة...و لا ناس بتف في الأرض و لا خناقات و ضرب و بهدلة...
و لا شحاتييييين...و لا حرامية....ولا أي نوع من أنواع البلطجة..و لا من الشرطة و لا من غيره..الشرطة عندنا حنينيينه
...و بقت الحنية و الجمال في طبعها...متعووووودة...دايماًًًاًاًاًاً
....ولا أي حاجة من الحاجات الوحشة دي....إحنا الحمد لله أبيض يا ورد..
.و الناس اتعودت انها تمدح في الحاجات الحلوة دي...
.... ما هو لازم الواحد يقول الحق برضه..اللي ليييييييييييييييييييييه و اللي عليه
...و حاجات كتييير حلوة أوي ..أنا خايفة بس نتحسد من كترها
...و منين ماهتركب تاكسي هتسمع أغنية جامدة أوييي
!!!!!!!!...هي دي هي ....فرحة الدنيا
15 comments:
ايون
هى دى فعلا هيا فرحة البدنيا
يلا مبروك على المدونه
يا صباصيبوووو
سلامات يا جميل واهلا بكى فى عالم التدوين
أنا خايفة بس نتحسد من كترها.!!!
طبعا سوف نُحسد
هههههه
تحياتي
r.r
ربنا يخليكي للغلابة اللي زيي اللي لسة عاملين مدونات
:D :D....
اللا عرفتي صباصيبو دي منين؟؟ :D :D
صاحب البوابة
تحياتي لك أيضأ :)..
عرفت صباصيبو منين؟
ابدا
يعنى بما ان اسمك هو اول 3 حروف من
صباصيبو اذا فده الدلع اللى جيه على بالى
:)
عرفت اسمك منين هتقوليلى؟
هقولك فى واحد صاحب مدونه اسمها صناعة الانسان
هو اللى قلى على اسمك
انت تعرفى الولد ده؟
هو اسمه يامن لو انتى مش عارفاه
:)
يلا سلامات يا صباصيبووو
ايه ده ...إسمه غريب أوي...لأ لأ معرفوش...و لا يقربلي ...
:D....شكرأ يا جميلة
دة اكيد حلم
مش كدة؟
صحيتي منه اكيد على صوت خناقة في شارعكم
تحياتي واحتراماتي
يا رب يتحقق...
تحياتي أيضاً...
دقي يا قلبي غني يا عنييه
:)
الحقيقة الواحد من كتر الحاجات الحلوة اللي هوه شايفها مش طايق روحه..
حاسس ان انا الحاجة الوحشة الوحيدة في البلد دي..لدرجة اني عايز انضفها وانتحر
:)
تحياتي
شعارنا هو:
"نضف بلدك...واتكل علي الله"
للدرجة دي يا يامن البلد حلوة؟
:D:D...
اه فعلا هيا دى فرحة الدنيا
تحياتى
أخص عليك يا سبسوب
نسيت تتكلم عن عظمة النيل اللى أى حد ينطس فى نظره ويستغنى عن كبده وكلاويه ويفكر يشرب منه لازم يرجع له تانى
نسيت خير بلادنا فى الثروة الحيوانية سواء اللحمة المصابة بالحمى القلاعية او الانفلونزا الطيورية
ونسيت اللبن ابو بودرة سيراميك
دانت قصرت كتير فى حق بلدك يا راجل
ماكانش العشم يا حسين
يالا بقى قوم صلى ركعتين واستغفر ربك
فبركة شريف:
النسيان نعمة...الحمد لله
أكيد تقصد أخص عليكي يا سبسوب..
:D...
تحياتي
هو بصراحه بقى لو كنا هنقول اللي لينا واللي علينا لازم نعترف
كل شئ تمام والامن مستتب وحابين العيشه وبايسين ايدينا شعر ودقن
بمناسبة اغاني التاكسيات انا مره ركبت تاكسي لاقيته مشغل اغنيه رااااااائعه
هي الحقيقه من كوبليه واحد
قصدي من جمله واحده
واحد بيقول :منى يا منى يا منى يا منى
ان منى ترد عليه ابدااااااا
واضح ان منى كانت معتقله
سلام بقى قبل ما نحصلها :)
لو الموضوع فيه مني ..يبقي لازم نعمل كتيب عن "افتكاسات أغاني التاكسيات"
:D :D
سلام
ممممممممممم
قرو بقي
تحياتي
Post a Comment