!!!فتحت الجرنال
.فتحت الجرنال(علي غير العادة)....و المانشيت المعتاد لكل سنة...شكاوي من إمتحان الفيزياء للمرحلة الثالثة للثانوية العامة...وغرقت لمدة 5 دقايق في الذكريات المؤلمة للثانوبة العامة و جتلي حالة إكتئاب لا إرادية....و الشعور المؤذي اللي الواحد كان حسة - و أنا بذاكر..و أنا قاعدة مع المدرس و بنااااام...و أنا رايحة المدرسة ... و أنا جاية من المدرسة وأنا بمتحن و شعوري إنه مكنش إمتحان ..لأ دة كان إختبار لتعذيب النفس...و جو اللجنه المقلق..و رغي المراقبين...و المراقبات طبعاً...كانوا زي النسمة ..والطبيخ و العيال و أجوازهم...كنت بحب حكاويهم أوي...و ساعات كنت باخد بريك من الإمتحان(من كتر سهولة الإمتحان و مخلصاااه كله طبعاً..إوعو تفتكرو إني كنت محتاسة..لأ لأ...مسمحلكووش) و أقعد أسمع الحكاوي دي....كنت بندمج معاها أوي..أهو يمكن تنفعني لما ربنا يكرمني كده.... و إحساسي دايماً بعقدة النقص...من باقي البنات في الفصل..( المتفوقات طبعاً)..و أقعد أفكر...بيذاكرو إمتي؟..طب يبنامو كم ساعة؟...طب مامتهم و باباهم يبزعقو كدة كل شوية زي عندنا؟؟...طيب يمكن معندهومش عيال صغيرة علشان كدة وقتهم مش بيضيع ؟؟ و النظرة لهم علي أنهم عباقرة من كوكب تاني..دة كلة كوم...و دعوات و كلام المشجعين..كووووم تاني..كل شوية التليفون يضرب "هاااااا...عملتي إيه"...و نظرة الحسرة في عيون والدتي...(يعني و الله يا....لبخت شوية) و طبعاً تظهر كلمات المواساة من الطرف التاني...." معلش...تتعوض إن شاء الله في اللي جاي"....و إعادة التصحيح...."البنت اتظلمت" (بس إيه...لحقت من الفرخة ورك...قصدي لحقتلي درجة في إعادة التصحيح...مش بقولكوا كنت مقفلة الإمتحان) ويا سلام علي رعب التنسيق..و المرحلة الأولي (اللي مكنتش فاهمة هما ليه متضايقين اني ملحقتهاش..و ألف علي أفراد البيت نفر نفر...يعني إيه مرحلة أولي يا جدعان..إنتو متضايقين لييه....هو ميين اللي ماااااااااات) و أدينا دخلنا الكلية....و بندم علي كل لحظة تعبت فبها أعصابي...وحرقت فيها دمي..يلا...
أهو كلو برتقال...
17 comments:
ذكرتينى بالذى مضى
بس اية الرعب ده فى اللجنة
انا ماافتكرش انى امتحنت ثانوية عامة اصلا
كنت كل امتحان برجع اعمل لهم فضيحة انى مش هجيب درجة كويسة
واهو الحمد لله عدينا
ايه الجمال ده ياجوجو لا بجد انتى نجمتى اللى بتسطع مع كل بوست بتكتبيه والله بجد برافو عليك وعلى ابداعاتك الغير منتهيه
ريهام
wildbird:
كلنا لها...:D
نورتي
ريهام:
الله يخليكي....بس جوجو مين
:D :D
تحياتي
انا قصدى جوجو يعنى جامد جدا ودى حقيقه مش مجامله استمر فى الكتابه علشان نستمتع
ريهـــــــــــام
ريهام:
أحرجتيني بذوقك و الله...ربنا يخليكي
نورتي يا ريهـام
ما شاء الله صبابتون
وياريتوا حصل برتقال ,,يلا الحمد الله علي كلوا,محدش بياخد غير نصيبوا
هههههههههههه
بجد حلوة جدا ,,,,استمري إلي الأمام<<<<<===== ;);)
أنا بقى ايام الثانوية العامة بتاعتي
كانت 58 في المية
تدخلك كلية التجارة
وفي السنة دي الطلاب عملوا مظاهرات وطلعوا على وزارة التربية والتعليم
وولعوا في ورقة امتحان الفرنساوي
سنة 1989
ياااه فكرتينا بالذي مضى
واللي مش عارف اهو كله برتقال
دي كلمة سعيد صالح في مسرحية العيال كبرت
مش كده ولا أيه؟
el me7rab:
ربنا يخليكي يا بنتي..
و حاضر مش هرجع لورا إن شاء الله
ياسر حسين:
..نورت المدونة بجد
أيام العز دي :D
أنا حاسة إنه كمان كام سنة مثلاً 100% تبقي إنت كدة فاشل و متلحقش كليات ال...قمة
و صح كلمة سعيد صالح...
نورت المدونة مرة ثانية
دا إنتي عندك ذكرايات صعبة مع الثانوية العامة
بس دي غلطتك
لإنه كان المفروض من اﻷول تفهمي إنه كله برتقال
تحياتي
كلنا عانينا قديماً
لكنها الان مجرد ذكريات
مضحكة
تحياتي للمقال الممتع
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso. (If you speak English can see the version in English of the Camiseta Personalizada. If he will be possible add my blog in your blogroll I thankful, bye friend).
the alien:
عندك حق..أنا اللي غلطانة
مال القعاد في البيت..
نورت..
صاحب البوابة:
الحمد لله إننا لا نملك إلا الذكريات
:D
نورت
و بكرة تتخرجي و تلاقي احلى الايام هيا اللي انتي عايشاها دلوقتي
و ربنا يجعل كل ايامك حلوة يا رب
و سلام مؤقت
ياه فكرتينى بأيام الثانوية
بس دلوقتى يا جماعة محدش يتعب نفسه كله بقى محصل بعضه
فى الأخر كله هايخلص ويقعد فى بيتهم أنتوا فاكرين يعنى أننا هنشتغل بالشهادة خلاص راح الزمن ده
تحياتى لكى
هو فين الجديد يا قمر
متاخره ليه كدا ياجميله؟
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso.(If you speak English can see the version in English of the Camiseta Personalizada.If he will be possible add my blog in your blogroll I thankful, bye friend).
انا قولت اطمن اشوفك فين
انتى نسيتى البلوج خالص كده
:)
طمنينا عليكى
Post a Comment